"Sigurado ka bang ayaw mong magpahatid hanggang sa bahay n'yo?"
Hindi na matandaan ni Kimberly kung ilang beses na iyong itinanong sa kaniya ni Sam. Wala na kasi siyang nagawa nang magpumilit itong ihatid siya. Nasa loob ng isang malaking squatter area ang bahay nila kaya sobra iyong alangan para sa binata. Lalo lamang nitong makita at maramdaman ang agwat nila sa isa't-isa. At natatakot si Kimberly na maging daan iyon para layuan siya ni Sam.
Dahil sa ngayon, desidido na ang dalaga sa kaniyang desisyon. Uubusin niya ang nalalabing mga araw na kasama ang binata. Idadagdag niya sa kaniyang wish list ang maranasan man man lang ang magmahal bago tuluyang mawala sa mundong ito.
"Pakihintay na lang ho ako dito, Mang Roel." Narinig niyang sabi ni Sam sa personal driver na sumalubong sa kanil
