Lanie's Pov:
"Okay... Let's make a group of two. Para sa summarization ng lahat ng tinalakay natin tungkol sa Conspiracy Theory." Marahan ngunit madiing sabi ni Sir Liam.
Pinilit kong imulat ang mga mata ko at i-focus sa kanya. Ngunit bagsak lang nang bagsak ang mata ko. Gustong-gusto na niyong pumikit. Kaya kulang na lang ay tukudan ko na ng daliri ko ang mga iyon.
Kumurap-kurap ulit ako at dalawang kamay na ang inihawak ko sa mukha ko para hindi ako matuksong sumubsob sa desk ko. Pasimple ko pang kinurot-kurot ang pisngi ko magising lang.
Kulang na kulang talaga ang tulog ko!
Hindi kasi agad kami nakabalik ng eskwelahan. At hindi ko man gusto ay si Kuya Sage ang dapat sisihin. Ni hindi natulog ang siraulo kong kapatid. At sa dami ng pipiliin n'yang tambayan, sa living room pa talag
