Lanie's Pov:
Hindi ganoon kahaba ang sekretong lagusan na iyon na parang isang tunnel. Makipot nga lamang at matataas na ang mga halaman kaya halos magkasabit-sabit ang mga paa ko. Iilang beses din akong muntik mapahampas sa lupa kundi lamang nagiging maagap si Yshmael at naaalalayan ako.
"May plano ka bang balian ako?" Asik n'ya nang muli akong matakid at sumubsob sa malapad n'yang likod.
"Pasensya na." Tanging sabi ko at dumistansya sa kanya. Gusto ko ding sisihin ang landscape ng tunnel.
Pakiramdam ko kasi ay nagsimula kami sa mababa at pataas na ang lupa na tinutuntungan namin habang tumatagal.
Lampas na yata sa limang beses na halos mayakap ko ang matigas na likod ng lalaki. Hindi lang kasi matataas na halaman ang laman ng tunnel. Pati mga ligaw na ugat ng puno na hindi ko alam
