كانت فتون جالسه على مكتبها حينما شعرت بمن يقف أمامها فرفعت رأسها لكى ترى هويته فوجدتها شاديه والتى هتفت قائله ما إن إلتقت عيناهم
- أيهم معاه حد ؟
- لا هو مش هنا أصلا .. هو دخل المكتب أول ما طلعنا وبعدها بربع ساعه قالى إنه رايح مشوار شغل ومشى بس قالى مش هيتأخر
هتفت بها فتون فنظرت لها شاديه ولم تعلق فهتفت فتون قائله بإستغراب
- مالك يا شاديه .. أنتى فى حاجه مزعلاكى ؟
جلست شاديه على المقعد أمامها ثم هتفت قائله
- أنتى وراكى شغل
- فاضلى بس الملف ده هخلصه وأكون فاضيه
هتفت بها فتون فهتفت شاديه قائله
- تيجى نروح نشرب حاجه فى الكافيتريا
نظرت لها فتون ثم نظرت بساعتها قائله
- طيب ممكن نستنى بس ساعه عشان البريك يكون بدأ .. مش هينفع أسيب الشغل قبل البريك
نهضت شاديه من جلستها قائله
- طيب هروح أشوف شغلى ونتقابل فى الكافيتريا بعد ساعه
أومأت فتون برأسها إيجاباً فخرجت شاديه
