Chapter 78
BEVERLY…
ILANG SANDALI akong napatitig sa may signage kung saan ako dinala ni Manuel. Sabi niya nandito si Calixtro.
“Sure ka bang nandito siya?”
Hanggang ngayon hindi ako naniniwala na nasa ganitong lugar si Calixtro. Hindi ang tipo ni Calixtro ang mapapadpad sa ganitong klase ng lugar.
Hindi ko nga nagawang pangalanan ang lugar. Kahit pa ang laki ng signage sa labas nito.
“Yes, dito siya dinala ni Sir Cameron noong umalis ka five years ago.” Malumanay ang pagkakasabi ni Manuel.
“Bakit? Si Calixtro ang tipo ng tao na hindi mo mapagkakamalan na ano…”
Hindi ko alam kung anong sasabihin ko, kung ano ba ang dapat na salitang gamitin ko para tukuyin si Calixtro.
“Na baliw.” Si Manuel ang nagtuloy para sa akin. “At first wala talagang makakapansin na may iba sa kaniya.
