Inisip ko nang mabuti kung anong nangyari bago ako nakarating sa bahay ng mga Valderrama.
Ang huling natatandaan ko ay nasa welcome party kami pareho ni TJ. Paglabas ko ng CR, sumakit ng sobra ang puson ko. Huminto muna ako sa hallway at dito nakita si MJ. Humingi ako ng tulong sa kanya pero sa huli’y mukha ni TJ ang nakita ko bago nagdilim ang paningin ko.
“Oo nga pala, tinawagan mo na baga ang Mama mo?” tanong ni Tita Claire na nagpabalik sa akin sa kasalukuyan.
Natahimik ako sa kanyang tanong. Naramdaman ko ang pangingilid ng luha ko dahil naalala ko ang sarili kong pamilya.
Whenever I experienced the same pain before, naiirita lang sa akin sina Ate Lea at Mama. Akala yata nila’y nagiinarte lang ako kaya hindi nila ako pinapansin at kadalasan ay naiinis pa kapag naga-absent ako s
