Kailangan ko ba talagang magutom palagi kakaiwas ko kay TJ?
Noong pinuntahan kasi ako ni TJ sa kwarto para ayaing maghapunan, nagsinungaling ako at nagsabing magpapahinga na lang dahil masama ang pakiramdam ko. Sinabi ko pang wala akong ganang kumain para lubayan na ako nito.
Kaya tuloy ngayon, heto ako at nagtitiis na naman ng gutom.
Pinalipas ko ang hapunan bago ako muling bumangon. Hindi ko alam kung saan natulog si TJ pero nang lumalim na ang gabi, nagdesisyon na akong bumangon para bigyan ng solusyon ang pagkalam ng sikmura ko.
Naging maingat naman ako sa bawat hakbang ko. Pagkababa ko sa first floor ng bahay, mabuti na lang at may tinitira pala silang ilaw dito. Mukhang wala na ngang ibang tao dahil anong oras na rin. Pati mga katulong nila ay nagpapahinga na panigurado.
Dumi
