Good job, June! Nakaiwas ka nga kay TJ sa pamamagitan ng pagpunta mo sa kanyang bahay.
Sa lahat ba naman ng pwede kong mapagtaguan, sasakyan pa talaga ni PJ ang napili ko? Kung hindi ba naman mapangasar ang tadhana.
Pagkatapos kong maligo, nakita ko sa ibabaw ng kama ang navy-blue v-neck dress na iniwan ni Reign para sa akin. Nagtaka naman agad ako kung bakit ganito kaganda ang pamalit na ibinigay niya sa akin. Ayos naman na kasi ang simpleng t-shirt at shorts lang. Ayos nga lang kahit pambahay lang.
Pero dahil baka ito lang ang mayroon sila at ayoko naman nang maging mapili, isinuot ko na lang ito. Saktong may kumatok sa pinto ng kwarto kaya pinagbuksan ko ito habang inaayos pa ang fitting ng dress sa akin.
Pagbukas ng pinto, pumasok ang isang babaeng may kalakihan at bilugan ang ty
