Nagpabalik-balik ang tingin ko sa kanilang magkapatid dahil parang nagsusukatan na naman sila ng tingin ngayon. At nang pumalakpak ng isa si MJ, na para bang nakuha na sa wakas ang sinasabi ni TJ, nagmadali na itong umalis matapos magpaalam sa amin.
“Sabihan ko sila na susunod na lang kayo,” sabi pa ni MJ sabay kindat sa akin. Nagulat naman ako dahil dito. Aba’y bakit may pagkindat?
“Now let’s talk privately,” sabi ni TJ bago ako tinalikuran.
At sa seryosong paraan kung paano niya ito sinabi, nagkaroon ako ng iba’t ibang scenario sa isip ko habang papunta kami sa pinakadulong pinto ng hallway dito sa second floor.
Napalunok ako. Paano kung may mga pang-torture na gamit sa pintong ito at balak niya akong pahirapan? Paano kung hambalusin niya ako ng latigo bilang kabayaran sa lahat ng g
