“Kumpleto na ba tayo?” tanong ni MJ na para bang may usapan sila ngayong gabi ng mga resort employees na kaharap.
“Yes, Sir MJ! Nandito na lahat,” halos mapunit na ang labi ni Trisha dahil sa lawak ng kanyang ngiti. Dahil sa lipstick na in-apply niya, parang nasuntok ang labi niya sa pula.
“K-Kasama ba si June?” nagaalangang tanong ni Piolo kaya napatingin sa akin ang lahat. Siguradong kating-kati na silang pag-usapan ako kagaya kaninang umaga.
Si MJ naman ay hinawakan ako sa palapulsuhan at hinila papalapit sa kanya. Pagkatapos ay inakbayan niya ako sa harapan ng lahat.
“Oo naman! Syempre kasama si Tala!”
Kumunot ang kanilang mga noo. “Tala? June nag pangalan niya,” pagtama ni Trisha na halatang nagbago bigla ang mood nang makita ako.
“Yes, I know. Pero mas bagay sa kanya ang
