Nakita ko ang pagkabigla sa mukha ng mga kasama ko sa lamesa. Lahat sila ay napatayo at napayuko pwera kay MJ kaya tuloy napakamot ako sa ulo. Bakit mukha silang nakakita ng multo ngayon?
Dala ng sobrang init, tinangka ko pa ring alisin ang jacket na ipinatong sa mga balikat ko. Dito naman ako inikot paharap sa kanya ng taong naglagay nito.
“Ikaw terorista ka!” Tinuro ko siya pero agad din itong binaba nang mapagtanto ang sinabi. Napatakip ako ng bibig dahil sa pagkakamali. Ngayon ay malalim ang tingin niya sa akin.
Umiling ako nang umiling bago muling nagsalita. “Nope. You’re Mr. Valderrama.” Yumuko ako para magbigay galang tulad ng ginawa ng kanyang mga empleyado.
“You’re late. I don’t think you can talk to her right now,” natatawang balita ni MJ na hindi ko alam kung anong ibig s
