Kabanata 12
Nakangiwi si Lacey na lumabas ng kanyang kwarto, matapos na makapagbihis. Hindi nga siya mapakali sa loob at nasa harap ng salamin, paikot-ikot siya dahil hindi siya komportable sa suot na damit. Naka high waist skirt siya at isang puti na haltered crop top. Kailan lang ba siya nagsusuot ng mga ganun? Tuwing nagkakaroon lang ng okasyon sa eskwelahan.
Napakaganda ng buhok niya at si Lovely ang nag-ayos nun kanina bago siya nagbihis.
“Waw!” bulalas kaagad ng ama niya nang masulyapan siya sa taas ng hagdan.
Nakaupo iyon sa sofa at may hawak na magazine. Tumitingin ng mga sasakyan ang Papa niya at hindi na yata nun maitikal ang mga mata roon, mula pa kahapon. Undecided pa rin iyon kung ang bibilhin ay van o suv.
“Pak na pak sa ganda!” ani Tina sabay palakpakan ng tatlo.
