CHAPTER 46
“Kuya, huwag ninyong saktan ang bata. Wala siyang kasalanan. Hindi natin pwedeng ibunton lahat ang sisi sa kanya!” pagtatanggol ni Father Ricky sa akin ngunit hindi nakikinig ang Daddy ni Rhon.
“Ricky, huwag kang mangialam dito. Anak ko ang lumalaban ngayon sa kamatayan. Ipinagkatiwala ko ang anak ko sa’yo. Umaasa na kaya mo siyang disiplinahin. Na kaya mong gawin siyang mabuting anak ng Diyos ngunit anong nangyari? Kaya bumalik ka sa loob kung ayaw mong tayong magkapatid ang magkagulo.”
Umiling-iling si Father Ricky. Nakikita kong umiiwas siya ng away o eskandalo kaya tumingin siya sa akin na parang walang magwa kundi ang pumasok na lang siya sa loob.
"Para sa kaligtasan ng aking anak, hinihiling ko sa inyong huwag ninyong papapasukin
