CHAPTER 28
“Daddy?” gulat kong sinabi.
Umatras ako.
Lalo kong hinigpitan ang hawak sa kamay ni Rizza.
Naramdaman ko ang biglang panlalamig ng kamay ni Rizza.
Hinila ko siya. Kinuha niya ang backpack niya sa isang kamay ko. Isinuot niya iyon.
Muli kong hinawakan ang kamay niya. Hindi kami magkakahiwalay. Kahit anong mangyari, wala sa amin ang magpapahiwalay.
“Anak, tama na. Bata ka pa. Hindi mo pa kaya.”
“Sino kayo para husgahan ako sa kaya ko at di ko pa kaya? Mula bata ako, hindi na ninyo ako gaanong nakakasama.”
“Huwag mong gawin sa amin ng Mommy mo ito. Hindi ka ba naaawa? Wala pang kain ‘yan, walang tulog. Maawa ka sa amin.”
“Ako ba, Dad? Hindi ba kayo naaawa? Inilalaban ko ito kasi hindi ko maramdamang mahal ninyo ako. Na pinakikinggan din ninyo a
