WALA NANG hahanapin pa si Ezekiel. Sa wakas ay nakamit niya na rin ang matamis na oo ni Alani na matagal niya nang minimithi. Mahal na siya ni Alani. Nagkaroon na rin nang katuparan ang matagal niya nang inaasam.
Kanina pa siya hindi mapalagay dahil sa naudlot nilang pag-uusap ni Alani. Kahit may kausap siya ay si Alani ang laman ng kanyang isip. Gusto niya itong ikulong sa kanyang mga bisig at paulit-ulit na sabihing matagal niya na itong mahal.
Gusto niyang maramdaman ni Alani kung gaano ka-sincere ang pag-ibig niya rito.
"Are you okay?" tanong sa kanya ni Congressman Raul.
"Ha? O-o," sagot niyang napapangiti.
"Kakaiba ang kislap ng mga mata mo. Are you in love?" usisa pa ni Congressman sa kanya. Kapatid ito ng kanyang ama.
Napangiti siya.
"Masama bang maging masaya?" natatawa n
