HINDI MAPIGILANG hindi pagmasdan ni Alani si Ezekiel. Mahimbing itong natutulog sa kanyang tabi. Araw-araw ay sa bahay niya na ito umuuwi kung kaya naman ay para na silang mag-asawa. Kasal na nga lang ang kulang sa kanilang dalawa. Alam niyang mahirap ang relasyon nila ni Ezekiel. Nagtatago sila sa mga tao at umiiwas sa intriga. Ang importante sa kanya ay tanggap sila ng mga magulang ni Ezekiel. Kapag walang trabaho si Ezekiel at sa bahay ng mga Villareal s’ya nagpapalipas ng gabi. Mas gusto pa nga ng mga ito na nandoon siya dahil walang kasama ang ina ng lalaki at palaging ang mga katulong lamang.
Bumangon s'ya at inayos ang kumot ni Ezekiel. Kinuha niya sa drawer na nasa gilid ng kama ang kanyang cellphone. Kung dati ay larawan nila ni Hunter ang naroon ngayon ay larawan nila ni Ezekiel
