CHAPTER 16
APLLE (POV)
HALOS matalisod ako dahil sa ginawa kong lakad takbo makapasok lamang kaagad sa opisina ni Zyler. Hindi ko alam bakit kinakabahan ako sa nakikita kong madilim na anyo ng aking nobyo. Wala naman akong ginawang masama o kami ni Peter nag-uusap lang naman kami.
Abot-abot ang kaba nang aking dibdib nang tuluyan na akong nakapasok sa loob nang kanyang opisina. Nakatuon ang kanyang paningin sa screen ng computer. Hindi ko alam bakit pakiramdam ko isa akong anak na nahuling nagloko sa kanyang ama. Napakseryoso ng kanyang mukha. Hindi man lamang ako nagawang tingnan. Inilagay ko ang aking mga bitbit sa aking mesa na kaharap din sa kanyang mesa. Naiiyak na ako dahil sa ginawang pambabalewala ni Zy sa akin kahit na nakalipas ang ilang minuto.
Nagmamadali akong nagtungo s
