Nanginginig pa ang kamay ni Clyde habang tinitingnan nang maigi kung pirmado na nga bang talaga ni Justine ang divorce papers nila ni Cara. At nang masiguro niyang okay na, napasigaw na lamang siya sa tuwa.
"Yehey! Tangina yes! Malaya na ang mahal ko!" umalingawngaw ang malakas na sigaw ni Clyde sa kaniyang opisina.
Niyakap niya ng mahigpit si Cara at saka binuhat. Napatili ng malakas si Cara sa takot na baka mabitawan siya ni Clyde. Sobrang saya nilang dalawa dahil sa wakas, magiging legal na ang relasyon nilang dalawa.
"Ipapaasikaso ko na ito para tuluyan ng mapawalang bisa ang kasal natin. Siguro, mga ilang buwan o taon, puwede na tayong magpakasal?" nakangiting sabi ni Cara.
"Kahit secret marriage lang muna. Ayos lang sa akin. Ayoko namang mahusgahan ka nila kapag nalaman nilang ka
