"Ano? May pipirmahan pa ba?" sambit ni Justine matapos pirmahan ang divorce paper nilang dalawa ni Cara.
"Wala na. Pirmado mo ng lahat. Salamat," wika ni Cara nang hindi tumitingin kay Justine.
Sinisigurado niyang maigi kung talagang napirmahan na bang lahat ni Justine ang dapat niyang pirmahan. Noong una, akala niya nagpunta lang sa kaniyang bahay si Justine para manggulo o sirain ang araw niya. Ngunit laking gulat niya nang malamang pipirma na pala ito sa kanilang divorce papers.
Tumikhim si Justine. "Siya nga pala. May huling pakiusap sana ako sa iyo. Huwag kang mag- alala, last na ito. At hindi na kita guguluhin pa. Maging masaya ka sana kasama si Clyde."
Doon pinukol ni Cara ang tingin niya kay Justine. "Ano naman ang pakiusap mo?"
"Sana huwag mo munang ipaalam sa mga magulang ko
