Matapos ang naganap na honeymoon kina Cara at Clyde, bumalik na sila sa kanilang bahay. Naging abala na ulit sila sa kani- kabilang mga gawain. Bumisita silang muli sa OB- Gyne ngunit hindi pa rin buntis si Cara. Upang hindi malungkot, inabala na lang ni Cara ang kaniyang sarili sa munti niyang negosyo. Para malibang siya.
"Kumusta ang honeymoon niyo, sir? Nakapunla na ba?" tumatawang tanong ni Jom.
Umiling naman si Clyde. "Wala pa nga. Kaya nalulungkot ang asawa ko. Pero syempre, hindi ko ipinapakita kay Cara na malungkot ako. Kasi mas lalo lang siyang malulungkot. Ginagawa ko na lang ang best ko para makabuo kami."
"Tiwala lang po, sir. Makakabuo kayo. Naniniwala akong makakabuo kayo. May mga ganiyan naman. Ilang taon na nga silang mag- asawa bago nagkaroon ng anak. Pero ang mahalaga
