Huminga ng malalim si Justine bago niya pinindot ang send button. Nag - message siya kay Jonah. Magpapasama sana siya. May pupuntahan kasi siyang lugar at naisip niyang mas masarap na mayroong kasama sa lugar na pupuntahan niya. Napakagat labi siya habang naghihintay sa reply ni Jonah. Kinakabahan siyang naghihintay hanggang sa tumunog na nga ang kaniyang cellphone. Binalot pa siya ng kaba. At agad na lumitaw ang ngiti sa kaniyang labi nang pumayag itong samahan siya.
"Yes...." mahinang sabi niya sa sarili.
Hindi alam ni Justine kung kailan siya naging komportable kay Jonah. Basta, simula nang makausap niya ito ng matagal at nakipagbiruan pa ito sa kaniya, doon na naging magaan ang loob niya kay Jonah. Lalo na kung kausapin siya nito na para bang matagal na silang magkaibigan. At isa pa,
