"Nasaan pala si Jonah?"
"Wala. Umalis. Nagpaalam iyon sa akin. Pasensya ka na. Hindi ko nasabi sa iyo kagabi. Aalis daw siya. Sasamahan niya raw si Justine na umakyat ng bundok. Ilalabas daw doon ni Justine ang mga hinanakit niya tapos iiwan daw sa lugar na iyon ang lahat. Para pagbaba, okay na siya," paliwanag ni Cara.
Napangiti si Clyde. "Ayos din ang naisip na iyon ni Justine. Makakatulong iyon sa kaniya para tuluyan na siyang maging okay. Magiging maayos na ang pakiramdam niya. Ayos lang iyan na sinasamahan siya ni Jonah. Mukhang nagkakamabutihan sila. Ikaw? Dito ka lang ba, wifey? O gusto mong sumama sa akin sa office?"
Namilog ang mata ni Cara. "Puwede ba akong sumama doon?"
"Oo naman. May conference room naman sa office ko. Puwede ka doon kung gusto mong mahiga. May malaking co
