"Wifey.... I miss you na po. Miss ko na ang pagiging pilya mo. Ang pagpisil mo sa itlog ko. Ang pagiging maloko mo. Ang yakap mo. Ang halik mo.... gising ka na please..." umiiyak na sabi ni Clyde.
Isang araw ng walang malay si Cara. Sa buong araw na iyon, nandoon lamang si Clyde sa kaniyang tabi. Bantay sarado siya nito. Wala itong maayos na tulog. Siguro, umabot lang ng isang oras ang tulog ni Clyde at hindi pa iyon buo. Paidlip - idlip lamang siya.
"Clyde, kumain ka na muna. Wala ka pang kain. Baka naman bumagsak ka niyan. Kailangan mo ng lakas. 'Di ba sinabi sa iyo ni Steven na dapat kang magpakatatag? Dapat ipakita mong malakas ka kahit alam naming nakadudurog ng puso ang kalagayan ni Cara. Ang mahalaga, ligtas na siya. Ligtas na ang asawa mo. Sige na, kumain ka na..." wika ni Justin
