"Hmmm...."
Marahang iminulat ni Cara ang kaniyang mga mata at agad na sumilay ang matamis na ngiti sa kaniyang labi nang magising siya sa ilalim ng bisig ni Clyde. Mahimbing siyang nakatulog kung saan mahaba ang naging tulog niya at hindi siya nagising ng madaling araw. Iyon na lang ulit ang araw na nakatulog siya ng mahaba at mahimbing. Tumingin siya sa orasan at nakitang malapit na ang oras ng tanghalian. Pinagmasdan niya ang guwapo at maalindog na mukha ni Clyde.
Hindi niya lubos akalain na isang araw, makakatabi niya sa iisang kama ang kumpare ng kaniyang asawa. Na walang kasing galing pagdating sa kama. Hindi siya binigo ni Clyde dahil muli siya nitong binakbak sa kama bago sila makatulog. Kaya talagang napagod silang dalawa. Hindi pa man siya gumagalaw sa kama dahil wala pa siyang
