"Aalis na muna ako, ha? I love you, my love..." malambing na saad ni Clyde bago ginawaran ng mainit na halik sa labi si Cara.
Natawa ng mahina si Cara kaya kumunot ang noo ni Clyde. "Bakit ka tumatawa?"
Bumuga ng hangin si Cara. "Wala lang. Iniisip ko pa rin na hindi ito totoo. Na panaginip lang ang lahat. Para kasing ang bilis. Natatandaan mo pa yung nagkita tayo..... may nangyari sa atin.... tapos nag- alangan ka dahil nga kasal ako, tapos ito na tayo ngayon. Handa ka na sa kahit anong maaaring mangyari. Teka nga, tayo na ba?"
Mabilis na tumango si Clyde. "Oo tayo na kahit hindi mo pa ako sinasagot. Tayo na dahil hindi ko na kailangan ligawan ka pa. Sorry... hindi naman ako marunong manligaw. Wala akong alam doon. Ipararamdam ko na lang sa iyo na totoo ang nararamdaman ko. Na mahal ki
