Nakapamulsang pumasok sa loob ng club si Jom. Niyaya kasi siya ng kaniyang kaibigan na mag- bar para naman makapag- relax ang isipan. Masyado rin kasi siyang naging abala sa trabaho niya kay Clyde kaya hindi na siya nakakapaglibang. Kaya sumama kaagad siya ng niyaya siya ni Jeric.
"Kumusta, kaibigan? Masyado kang busy sa work mo, ha. Talagang pinag - iipunan mo ng husto ang future ng magiging asawa mo at anak mo," nakangising sabi ni Jeric nang puntahan niya ito sa kanilang table.
Natawa si Jom. "Ganoon talaga. Iba pa rin kapag may pera. Hindi puwedeng pagmamahal lang. Hindi naman nakakain iyon. Mas masaya pa rin kung mabibigay mo ang gusto ng magiging asawa mo at anak."
Umarko ang kilay ni Jeric. "Bakit parang tunog mag- aasawa ka na? May nobya ka na ba? Ako kasi wala pa. Single pa rin
