“ANONG kalokohan na naman ang ginawa mo, Kyden? I know you. Hinding-hindi ka hihingi ng tulong kung hindi mo naman talaga kailangan.”
“It’s nothing serious, Tito Terrence. Kaya kung maaari lang po sana ay huwag n’yo nang sabihin kina Mom at Dad ang tungkol dito. Ayoko na ring mag-alala pa sila,” sabi ni Kyden habang kausap ang tiyuhin sa kabilang linya. Pagkatapos ng mga nangyari kanina sa loob ng gym ay wala siyang nagawa kundi ang tawagan ito. Ito na lamang ang alam niyang makakatulong sa kanya.
“Ayaw mo silang mag-alala? O ayaw mong malaman ng babaeng nagugustuhan mo ang tungkol sa kanila? Come on, Kyden. Baka nakakalimutan mong alam ko ang tungkol sa bagay na iyan.”
Umismid si Kyden sa sinabi ng tiyo. Tama naman ito. Ayaw niya talagang malaman ni Arya ang tungkol sa mga magulang niy
