“KAMUSTA na ang paghahanap ninyo sa anak ng may-ari ng Southland Academy? May nakuha na ba kayong impormasyon tungkol sa kanya?”
“Wala pa rin po, Mr. P. Pero huwag po kayong mag-alala, ginagawa na po namin ang lahat para mahanap agad ang taong iyon.”
“Mr. P, paano kung hindi naman talaga totoo ang tungkol sa kanya? Paano kung gumagawa lamang ng kuwento si Phoebus para takutin kayo?”
Nahampas ni Mr. Guevarra ang ibabaw ng kanyang mesa. Napapitlag ang tatlong estudyante na inatasan niya sa misyong ito at sabay na yumuko.
“Kaya kailangang makakuha na agad kayo ng impormasyon tungkol sa kanya! Ilang araw na kayong nagmamatyag sa buong Akademiya pero hanggang ngayon ay wala pa rin kayong maibigay na sapat na ebidensya sa akin! Kilala ko ang Phoebus na iyon, hindi ’yon maglalabas ng impormas
