“IPALIWANAG n’yo ang mga nangyari. Sino ang nag-umpisa ng gulo?”
“Si Arya po, Sir Kenny. Ninakaw po niya ang booklet ko,” mabilis na sagot ni Thalia habang nakaduro kay Arya. Pagkatapos ng mga nangyari kanina sa loob ng kanilang silid ay wala silang nagawa kundi ang tumungo sa opisina nito.
“Hindi po ’yan totoo. Wala po akong ninakaw, Sir Kenny,” depensa naman ni Arya. Palihim na hinawakan ni Kyden ang kamay ng dalaga. Hindi man niya alam kung ano ang tunay na nangyari, pero naniniwala siyang hinding-hindi magagawa ni Arya ang mga ibibintang ni Thalia rito.
“Kailan pa nawawala ang booklet mo? May ebidensya ka ba na si Arya nga ang kumuha no’n?” tanong muli ng guro. Saglit na natigilan si Thalia.
“W-wala po. Pero sigurado po akong siya ang may gawa no’n.”
“Paano ka naman nakasisigur
