MAHIGIT kalahating oras nang naghihintay si Lucas sa pagdating ni Kyden. Hindi niya alam kung ano ang nangyari sa pag-uusapan nito at ni Arya ngunit umaasa siya na sana ay naging maayos ang lahat.
Isang malalim na paghinga ang pinakawalan niya bago inabot ang kanyang cellphone na nakapatong sa ibabaw ng mesa. Binuksan niya ito saka muling tinitigan ang news article na nahukay niya kagabi. Laman nito ang katotohanan tungkol sa tunay na pagkatao ni Kyden at sa tinatamasang yaman ng pamilya nito.
Nagsimula ang lahat nang makita niya ito kagabi na pumasok sa Luxutel, isa sa pinakamalaking hotel sa kanilang lugar. Pauwi na siya galing sa trabaho nang aksidente niya itong makitang pumasok doon. Nag-alala siya na baka mayroon itong ginagawang kalokohan kaya palihim niya itong sinundan. Sa hindi
