NANGINGINIG ang mga tuhod na bumaba si Amaiah sa tricycle na kaniyang sinakyan mula sa Cebu Port. Mula sa Maynila ay nag-barko siya pauwi rito sa Cebu, iyon kasi ang napagkasunduan ng taga-Philippine embassy dahil pwede siyang masundan ng mga tauhan ni Miss Kelly na ipinakalat daw nito sa loob ng airport kapag eroplano ang sasakyan niya.
Humigpit ang pagkakahawak niya sa handle ng kaniyang maleta habang nakatingin sa kanilang bahay. Marami ring mga taong nagkaniya-kaniyang grupo na nakaupo sa bilugang lamesa habang naglalaro ng baraha sa kanilang bakuran. Ang iba ay naglalaro ng hantak o antugan sa tagalog. May nakatayong tent na mukhang pinahiram lang ng isang pulitiko kaya kahit tanghaling tapat ay nagsusugal pa rin ang mga ito.
Pero wala roon nakasentro ang paningin niya kundi nasa p
