NAGISING si Amaiah na masama ang kaniyang pakiramdam. Takip-takip ng kanang kamay niya ang bibig na lumabas siya ng kaniyang kuwarto at tumakbo patungo sa kanilang banyo. Hindi na nga niya napansin ang kaniyang ina na nagtatakang sinundan siya.
Halos isuka niya lahat ng mga kinain niya kagabi. Maluha-luhang napaupo siya sa nakatakip na bowl ng kanilang banyo matapos siyang sumuka. Ang hirap ng palaging ganito. Nitong mga nakaraang araw ay pilit niyang pinipigilan ang pagsusuka dahil may mga tao at natatakot siya na malaman ito ng kaniyang ina.
“B-Buntis ka…”
Agad na nanigas siya sa kaniyang kinauupuan at nanlaki ang mga matang nag-angat siya ng tingin sa may pintuan ng banyo nang marinig niya ang kaniyang Nanay. Bayolente siyang napalunok nang makita niyang nakatayo roon ang kaniyang N
