MASIGLANG NGUMITI si Coffee nang tumapak siya sa pedestrian waiting aisle. Matama niya pinagmasdan ang pagka-count down ng stop light. Papunta na siya sa Cashmere Events ngayon para mag-report sa trabaho. Kababalik niya lang mula Hong Kong kung saan doon siya na-destino sa loob ng sampung buwan. Tumaas na ang posisyon niya ngayon sa nasabing kumpanya. Kung dati Junior Project Coordinator lang siya, Senior Project Manager na siya. Nasa Hong Kong siya nang igawad ang promotion na iyon.
Dinagdagan pa kasi niya ang sipag na nakita naman ng mga boss niya finally. Akala niya susukuan na din niya ang mga ito, mabuti na lamang at hindi. Iyong mga unang buwan nahirapan siya lalo't nasa ibang lugar siya at dumagdag pa na brokenhearted siya. Mabilis siya naka-cope up at malaon ay nasanay sa pamumuh
