Nandito kami ngayon sa imbakan ng mga flours at agad niyang isinara ang pinto habang hawak pa rin ang kamay ko. Nakasandal ako sa kung saan dito, walang ibang pumapasok sa isip ko kundi, ‘bakit?’
Nakatitig lang ako sa kanya simula pumasok kami dito, naka-angat ang tingin ko at naka-abang sa kung ano ang sasabihin niya, naguguluhan sa ikinilos niya. Kinakabahan dahil paano kung may nakakita sa amin dahil sa ginawa niya? Hindi ba siya aware na maraming tao?
Nilingon niya ako, ngunit hindi sa mga mata ko nakatuon ang atensyon niya. Sa labi ko siya titig na titig. Itinikom ko tuloy iyon at napalunok ako. Anong— imbis na magsalita siya ay inilapit niya ang mukha sa akin at mariin akong hinalikan.
Bakit niya ako hinalikan?! Anong ginagawa ni North? Bakit dito? Bakit ngayon?
Sa gulat ko ay na
