Nalaglag ang panga ko at hindi kaagad ako nakakilos o nakapag salita man lang sa naging reaksyon ni North.
Binugbog niya nang binugbog ang lalaki at ang lahat ay nakatingin na sa amin, at dahil sa gulat at takot ay nanigas na lang ako sa kinatatayuan ko.
“Don’t you f*****g touch my girlfriend, you f*****g asshole!”
Iyon ang paulit-ulit kong naririnig na sinasabi ni North habang patuloy niyang binubugbog ng walang tigil ang lalaki kahit pa hindi na ito makatayo o makaganti. Hanggang sa dumugo na ang mukha nito at bago pa ito tuluyang masira ni North, ay nilapitan na sila ng iba pang mga tao sa bar at pilit na hinigit si North papalayo sa walang kamuwang muwang na lalaki. Halos mawalan ito ng malay at panay ang suka ng dugo. Kita rin ang galit sa kanya pero hinang-hina siya para gumanti.
