Avel: Ang Huling Lalaki

Prologue

ANG kapayapaan na tinatamasa ngayon ng Ereve sa loob ng ilang dekada ay muling matutuldukan. Akala nila ay tapos na ang digmaan at kaguluhan. Ngunit hindi pa pala.

Dahil sa nakikita nila ngayon ay ito na ang katapusan ng mundo. Ang mga kabahayan, ang mga kabuhayan nila ay sa isang iglap lamang ay naglaho na parang bula. Mausok. Maraming mga dugo at mga bangkay sa bawat panig ng lugar. Ang mga pagsigaw at paghingi ng tulong, ang mga pagluha. Lahat iyon ay naririnig nilang lahat.

Sabi nga nila, ang buhay ay hindi puro kasiyahan. Ang totoong buhay ay puno ng pait at sakit. Life brings out the worst of each individual.

"This will be the end of this realm! I'm going to kill you all and conquer this world!" Ang isang nakakatakot na boses ang narinig ng lahat na hindi malaman kung saan nanggagaling.

Nakita nila ang paghawi ng kalangitan at doon ay nagsisimulang maipon ang lahat ng enerhiya at alam nilang anumang segundo ay ititira na nito iyon sa kanila.

Labis na takot at panginginig ang naramdaman ni Cygnus nang magising siya mula sa maitim na panaginip.

No... hindi 'yon panaginip. It's a nightmare.

Tumayo siya at lumapit sa bintana ng kanyang kwarto at nagpahangin. Ramdam na ramdam pa rin niya ang epekto ng kanyang panaginip.

"Bakit... tila totoong totoo ang lahat? Nararamdaman ko ang takot, ang lahat ng emosyon," napahawak siya sa dibdib at huminga nang malalim.

Payapa na ang kanilang mundo. Ang mundo ng Ereve. Lahat ay masaya at may masaganang buhay.

Umupo siya sa upuan niya at inilabas niya ang bolang crystal. Ang kapangyarihan niya ay panaginip at panghuhula. Siya ang nagsasabi ng mga propesiyang magaganap. At sa nangyari lang kanina, alam niyang may ibig sabihin ang panaginip niya.

Pumikit siya at nagconcentrate. Ilang minuto siyang nasa ganoong disposisyon nang samu't-saring mga imahe sa hinaharap ang nakita niya.

Katapusan na ng mundo. Punong puno ng dugo ang karagatan ng patay na mga katawan.

Nanginig siya sa labis na takot. Muli siyang nag-concentrate at sinubukang tapusin ang kanyang premonisyon. Nakita niya ang imahe ng isang lalaki.

Napasinghap siya at napadilat. Isang pure-blooded human ang magliligtas sa sanlibutan!

~

A/N: Free hanggang inuupdate pa. Add niyo na po sa library niyo. :)