ARABELLA
HINDI ko alam kung kailan ako huling nanood ng sine. Kaya naman hindi ko mapigilan na makaramdam ng kaba nang yayain ako ni Gov. Gabriel na manood daw kami ng movie bago umuwi mula sa maghapong pamamasyal.
“Baka naman maubos na ang pera mo niyan?” pabiro na wika ko sa kaniya habang papasok na kami sa loob.
As usual, siya na naman ang bumili ng ticket. Simula nang dumating kami rito sa bayan kanina, wala akong ginastos kahit piso kasi ayaw niyang pumayag sa tuwing nag-i-insist ako na magbigay ng ambag.
“Okay lang na maubos ang pera ko. Sa’yo ko naman ginastos.” He winked at me. “And most of all, sobrang nag-enjoy naman ako. Kasi… kasama kita. So don’t worry.”
Hindi na naman makapaniwala ang puso ko nang lingunin ko si Gov. Sa maghapon na kasama ko siya, ramdam ko ang totoong
