ARABELLA
ONE WEEK na akong bantay-sarado ni Kuya Aries. Siya ang nagpapainom ng gamot sa akin para masiguro niya na wala akong ma-skip at hindi naman umatake ang sakit ko. Talagang ayaw na nila akong payagan na bumalik sa kabilang mundo ko. Minsan naman, si Papa Ramonico ang nagpapainom sa’kin kaya wala na akong magawa kundi ang mabuhay na naman sa kalungkutan dahil ilang araw ko nang hindi nakikita sina Gabriel at Baby Kian. Feeling ko, ang tagal-tagal ko nang nawala sa mundong iyon at miss na miss ko na sila.
Sa tuwing sinusubukan ko kasi na mangarap nang gising, sa ibang episode ako napupunta. Kapag nagawa ko naman, hindi rin ako maka-focus at kung ano-ano na lang ang pumapasok sa isip ko. Minsan naman ay nakakatulog na agad ako kapag pinapagana ko ang imahinasyon ko. Epekto kasi ng m
