ARABELLA
HINDI ako makatulog sa ideyang magkasama ngayon sina Gabriel at Phoebe. Kahit hindi ko pa naman napapatunayan na may affair talaga silang dalawa, hindi ko pa rin mapigilan ang sarili ko na magselos. My heart is aching inside my chest. Kahit walang malisya sa asawa ko ang closeness nila ng babaeng iyon pero kabaligtaran naman niyon ang nararamdaman ni Phoebe.
Halos isang oras na akong nakahiga at nakapikit, gising na gising pa rin ang diwa ko. Pabiling-biling ako. Idagdag pa na hindi mawala sa isip ko ang hilaw na mangga na may strawberry jam sa ibabaw. Kahit anong himas ko sa tiyan ko, nagki-crave talaga ko. Ilang beses ko na ngang namalayan ang laway ko na tumulo nang literal sa tuwing sumasagi iyon sa isip ko.
Hanggang sa hindi ko na matiis. At dahil delikado na kung lalabas
