ARABELLA
“LAST question, Arabella. And don’t you dare lie to me.” Nagtitimpi na napapikit na lang ako dahil humarap lang pala sa akin si Gabriel para igiit na naman ang mga akusasyon niya. My God! Hindi pa ba siya napapagod o nakukulitan man lang sa sarili niya? “May relasyon ba kayo ni Luigi?”
Pinandilatan ko siya ng mga mata. “Wala.” At saka ako nagtakip ng ilong at mabilis na tumalikod sa kaniya. Naamoy ko kasi ang alak sa hininga niya.
At kung dati ay hindi ko na iyon gusto, lalo na ngayon na buntis ako. Feeling ko babaligtad ang sikmura ko. Muntik na nga akong maduwal kung hindi ko lang naagapan.
“I’m still talking to you. Huwag mo akong talikuran,” mahina ngunit may diin na wika na naman niya. “Humarap ka rito.”
“Haharap lang ako sa’yo kapag hindi na amoy-alak iyang hininga mo.
