ARABELLA
“SAAN ka ba galing? Kanina ka pa namin hinahanap ni Papa.” Kaagad akong sinalubong ni Kuya Aries nang makita niya ako na dumating sa party.
“Nagpahangin lang po ako, Kuya,” mahinang sagot ko habang pasimpleng lumilinga sa paligid. Hindi ko alam kung umalis na rin ba sa likod-bahay si Gabriel. Umaasa ako, I mean, ang puso ko na makita ko siya uli kahit sulyap lang.
“Nagsimula na ang party ni Tita Ylona pero kung saan-saan ka pa pumunta,” sabi pa ng kuya ko. Hindi naman siya mukhang galit pero halata sa boses niya ang pag-alala sa’kin. Lately, napansin ko na napapadalas ang pagki-care ni Kuya Aries sa akin. Samantalang mula mga bata pa lang kami, bilang na bilang lang ang pagkakataon na inaalagaan at nag-aalala siya sa’kin dahil puro si Papa Ramonico ang sinusunod niya. “Huwag k
