ARABELLA
PAGKATAPOS kong umiyak sa likod-bahay nina Tita Ylona, agad akong naghilamos nang naghilamos. Kaya hindi gaanong namumugto ang mga mata ko nang bumalik ako sa party at sinalubong ako nina Papa Ramonico at Kuya Aries. Pero nang makita ko na kasama na nila si Don Facundo, parang gusto kong magtago bigla o kaya ay bumalik na lang uli sa likod-bahay.
“Bella, where have you been? Kanina ka pa namin hinahanap.” Si Papa ang unang sumalubong sa akin. Mahina lang ang boses niya pero nakikita ko sa mga mata niya ang pagbabanta para mag-behave ako.
“Gumamit lang po ako ng banyo, Papa,” walang buhay na sagot ko. Iniiwasan ko ang tumingin kay Kuya Aries dahil naalala ko na naman na parang naghihinala na nga pala siya tungkol sa ‘Gabriel’ na pinapantasya ko.
Ngunit mas iniiwasan ko ang mapa
