ARABELLA
PALABAS na sana kami ng kuwarto nang dumating si Sir Luigi. May dala siyang boquet ng favorite flower ko. Hindi mapantayan ang aliwalas ng kaniyang mukha nang makita niya si Baby Kian na kalong-kalong ni Gabriel. Wala siya noong araw na nanganak ko at may business conference siya sa Singapore kaya ngayon lang niya makikita ang anak namin ni Gabriel.
“Congratulations! Sorry kung huli na ako sa balita,” pabiro niyang saad bago niya inabot sa akin ang bulaklak at saka nagbeso. “I’m so proud of you, Bella.”
Natawa kaming dalawa nang makita namin ang masamang tingin na ipinukol sa kaniya ni Gabriel.
“May pa-flower na, may pa-beso pa? Baka gusto mong tumilapon palabas?”
“Ikaw talaga…” Natatawa na inakbayan lang ni Sir Luigi ang asawa ko. “Hanggang ngayon ba pinagseselosan mo pa ri
