Ano bang gagawin ko? Hindi ko na alam. Parang sinasakal ako ng takot sa dibdib ko pero hindi ako pwedeng huminto. Hindi ko na nga alam kung anong uunahin ko—si Mister Z, ang anak ko, o 'yung mga kasama kong lahat umaasa sa akin. Ang dami nang nangyayari, parang ang hirap huminga sa loob ng mansion na 'to.
Si Mister Z, kaya ba niyang saktan ang anak ko? Hindi ko kakayanin 'yon. Pero kung hindi ako gagalaw, baka tuluyan na niyang makuha ang lahat sa akin. Pero paano ako lalaban kung sa bawat galaw ko, buhay ng mga mahal ko ang kapalit?
Hindi ako ganito dati. Hindi ako nagpapatangay sa takot. Pero ngayon, nararamdaman ko 'yung bigat sa bawat hakbang ko. Parang may nakaharang na pader, hindi ko alam kung paano ko babanggain. Nakakulong ako sa sarili kong isip, walang direksyon. Gusto kong su
