Hinatid naman ako ni Apollo sa room namin. Wala na akong masabi pa sa kaniya nang marinig ko ang kaniyang sinabi. Pakiramdam ko ay bigla na lang akong nahiya na magsalita. Hindi ko alam ang mga tamang salita na dapat kong sabihin sa kaniya. Sa totoo lang ay naramdaman kong namula ang mukha ko dahil sa sinabi niyang iyon. Kumabog din ng mabilis ang aking puso. Ewan ko ba kung bakit ganoon na lang bigla ang aking naramdaman. Pakiramdam ko ay hindi tama na maramdaman ko 'yon.
Hindi pumasok sa first subject si Jack, hindi ko alam kung ano ang dahilan. Narinig ko lang naman sa mga chismosa rito sa classroom na nag-cutting daw siya. Tapos s'yempre ay napag-usapan nila ang tungkol sa nangyari kagabi na pagsuntok ni Apollo kay Jack. Nagkukunwari na lang ako na hindi ko iyon naririnig. Magsasayang
