Nanahimik naman si Apollo nang sabihin ko ‘yon. Hindi ko alam kung saan ako nakakuha ng tapang at nagawa kong sabihin ‘yon sa kaniya ng deretso. Alam ko naman na walang mali sa sinabi ko. May sarili akong katauhan at may sarili rin akong mga desisyon sa buhay. Kung ayaw pala niyang dumikit o makipagkilala ako sa ibang tao, sana ay una pa lang ay inilagay niya ‘yon sa kontrata namin. Hindi ko naman alam kung paano ko maiiwasan ang mga tao na ‘yon. Kahit na wala naman silang ginagawang hindi maganda sa akin. Kung sa ex ni Apollo ay may nagawa silang hindi maganda, kahit na hindi ko alam ang dahilan, dapat ay huwag niya akong itulad sa ex niya. Alam ko rin naman kung paano ipaglaban ang sarili ko, kung sakali man na may gawin silang masama sa akon. Hindi pa rin ako nagtitiwala sa mga nakikila
