Hindi ko akalain na sa saglit na pag-uusap namin ni Apollo ay may kukuyog na agad sa amin! Akala ko ba ay nasa labas ang media na nanonood sa amin, kahit na ‘di ko alam kung saan nanggaling ‘yon at kung bakit kami pinapanood. Pero ‘di ko naman inaasahan na nasa loob lang pala ng restaurant kasama namin!
“Guards! Get these reporters out here!” sigaw ng waiter na kumuha ng orders namin. Mabilis naman na lumapit ang mga guards at pinigilan sila sa pagkuha ng mga litrato namin. Medyo tinakpan ko pa rin ang sarili ko. Baka bigla na lang akong lumabas sa balita mamaya at makita pa ng pamilya ko.
“Mr. Cash! Is she your girlfriend? We caught you on act!”
“We want to know if who is this girl that you’re with right now.”
“This is a big scoop for us, Mr. Cash! Please give us some details!”
