Nang matapos na kami na kumain ay mabilis na kaming nagpunta sa classroom namin. Hindi ako komportable na naglalakad ngayon at nasa tabi ko pa si Apollo. Pakiramdam ko ay sa oras na iwan na niya ako sa tabi ko, bigla ay maraming mga babae ang susugod sa akin dahil sa kaniya. Hindi ko naman kasi inaasahan na nag-aaral pa rin pala siya katulad ko. Akala ko ay magiging tahimik ang college life ko rito sa Cashland University dahil hindi ko naman siya makakasama. Pero nagkakamali pala ako. Ang hirap naman ng ganito! Lalo na at gwapo pa man din ang bilyonaryo na ito.
Mabuti na lang at magkatabi kami ngayon sa upuan. Miski ang disenyo sa loob ng aming classroom ay masiyadong moderno at kakaiba. Ang disenyo ay may patungkol sa course namin na business management. Siguro sa ibang classroom na ang
