LYKA
“ANO-ANO nga pala ang napag-usapan n’yo ni Fritz kanina sa loob ng dalawang oras?” untag sa akin ni Uncle Verex habang paalis na kami ng resort. Kailangan na raw niyang makabalik sa Maynila dahil tumawag ang Mama niya at may naghihintay daw na bisita niya sa bahay.
At dahil ayaw niyang iwanan ako sa resort kaya pumayag na ako na sumama pauwi. Okay lang naman sa mga kaibigan at kaklase ko dahil nagpa-pack up na rin sila. Mamayang gabi naman daw ang alis nila dahi may pasok na bukas ng umaga.
Noong una nga ay ayaw ko pa sanang sumabay kay Uncle Verex. Nalaman ko kasi na motorsiklo pala ang dala niya. Ito ‘yong bagong bili niya nakaraang araw.
Una, takot akong umangkas sa motorsiklo. Ilang beses ko pa lang yata iyong nagagawa. Kapag umaangkas ako noon sa mga tiyuhin at pinsan ko sa B
