LYKA
ISANG LINGGO na rin kaming nanatili sa piling ng mga Montecillo. At sa loob ng mga araw na iyon ay walang nagbago sa pakikitungo sa akin sina Stella at Lucila. Mabait na sila sa akin. Lalo na kay Pablo. Walang oras na hindi nila ipinapakita ang kanilang pagmamahal sa aking anak. At naguguluhan ako dahil kahit anong pilit kong isipin na nagpapanggap lang sila ay hindi ko iyon makita sa mga kilos nila.
Hindi rin ako nabigo na makita kay Verex kung gaano niya kamahal ang aming anak. Sa loob ng isang linggo na iyon ay wala na siya halos tulog at pahinga sa paghahanap ng heart donor. Nag-leave din muna siya sa trabaho hangga’t hindi pa namin nasisiguro ang kaligtasan ni Pablo. Kulang na nga lang ay ibigay niya ang sariling puso niya.
Nag-back out kasi bigla ang pamilya ng magiging hear
